21 އޭޕުރިލް 2019 | އާދީއްތަ | 14 އައްސިދަ
14 ޝަޢުބާން 1440
ފަތިސް 04:44
އިރުއަރާ 05:57
މެންދުރު 12:09
އަސްރު 15:20
މަޣްރިބް 18:13
ޢިޝާ 19:27

ޓްރާންސްފާ މާކެޓް

ދަގަނޑޭ އާއި އުމެއިރު ގްރީންއަށް ސޮއިކޮށްފި

  • އުމެއިރު އާއި ދަގަނޑޭ ވަނީ ކުރިން ތިން ކްލަބަކަށް އެއްކޮށް ކުޅެފައި
ލީވާން އަލީ | MrLeevaan

| 11 ފެބުރުވަރީ 2019 | ހޯމަ 03:17 | |

ދަގަނޑޭ އާއި އުމެއިރު ގްރީންއަށް ސޮއިކުރުން -- ރާއްޖެއެމްވީ

ރާއްޖޭގައި އުފެދުނު އެންމެ މޮޅު ފުޓުބޯޅަ ކުޅުންތެރިޔާ އަލީ އަޝްފާގު (ދަގަނޑޭ) އަދި އިތުބާރު މިޑްފިލްޑަރު މުހައްމަދު އުމެއިރު ގްރީން ސްޓްރީޓްސްއަށް ސޮއިކޮށްފިއެވެ.

ދަގަނޑޭ އާއި އުމެއިރު ގްރީންއަށް ސޮއިކުރީ ދަ ކިޗަންގައި ބޭއްވި ކުޑަ ހަފްލާއެއްގައެވެ.

މިދިޔަ ސީޒަނުގައި ޓީސީ ސްޕޯޓްސް ކްލަބަށް ކުޅުނު ދަގަނޑޭ އާއި ނިއުރޭޑިއަންޓް ސްޕޯޓްސް ކްލަބަށް ކުޅުނު އުމެއިރު އެކުގައި މީގެކުރިންވެސް ވަނީ ކްލަބްތަކަށް ކުޅެފައިވާއިރު، ގްރީން ވެގެންދާނީ މި ދެ ކުޅުންތެރިން އެއްކޮށް ކުޅޭ ހަތަރުވަނަ ކްލަބަށެވެ.

މީގެއިތުރުން މިއީ ދަގަނޑޭގެ ކެރިޔަރުގައި އޭނާ ކުޅޭ ރާއްޖޭގެ ހަވަނަ ކްލަބެވެ. ވެލެންސިއާ އިން 2001 ގައި ކެރިއަރު ފަށައި ދަގަނޑޭ ވަނީ ޓީސީގެ އިތުރުން ނިއު ރޭޑިއަންޓް، ވީބީ އައްޑޫ އެފްސީ އަދި މާޒިޔާ އަށް ވެސް ކުޅެފަ އެވެ.

ދަގަނޑޭ ވަނީ ރާއްޖޭގެ ކްލަބްތަކުގެ އިތުރުން މީގެކުރިން ބޭރުގެ ދެ ކްލަބަކަށްވެސް ކުޅެފައެވެ. އެއީ ބުރުނާއީގެ ޑީޕީއެމްއެމް އެފްސީ އަދި މެލޭޝިއާގެ ޕީޑީއާރްއެމްއެެ.

އުމެއިރު އޭނާގެ ކެރިޔަރު ވިކްޓްރީން ޑިފެންޑަރެއްގެ ގޮތުގައި ފަށާފައިވާއިރު، އޭނާ ވަނީ މާޒިޔާއަށްވެސް ކުޅެފައެވެ. އަދި ގްރީންގެ ކޯޗު އަލީ ސުޒެއިންއާއެކު އޭނާ ވަނީ މާޒިޔާގައި ކާމިޔާބީތައްވެސް ހޯދާފައެވެ.

ދަގަނޑޭ އާއި އުމެއިރު ގްރީންއަށް ސޮއިކޮށްފައިވާއިރު، އެ ކްލަބުގެ ކީޕަރު އިބްރާހިމް ލަބާން ޝަރީފް ވަނީ އެއްބަސްވުން އާކޮށްފައެވެ.

ރާއްޖޭގެ ފުޓުބޯޅަ ސީޒަން ޖޫން މަހު ފަށާއިރު، ބައެއް ކްލަބްތަކުން އަންނަނީ ޓްރާންސްފާގެ ކަންތައް ނިންމަނުންނެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް