15 ނޮވެންބަރު 2018 | ބުރާސްފަތި | 03 ނޮރަ
07 ރަބީޢުލްއައްވަލް 1440
ފަތިސް 04:36
އިރުއަރާ 05:51
މެންދުރު 11:55
އަސްރު 15:14
މަޣްރިބް 17:50
އިޝާ 19:05

އެމެރިކާގެ މިޑްޓަރމް އިންތިޚާބު

އެމެރިކާގެ މިޑްޓަރމް އިންތިޚާބު: ސެނޭޓްގެ އަޣުލަބިއްޔަތު ލިބިވަޑައިގަތުމުން ޓްރަމްޕް އުފާފާޅުކުރައްވަނީ

  • ސެނޭޓްގައި ރިޕަބްލިކަނުންގެ އަޣުލަބިއްޔަތު ވަނީ އިތުރުވެފައި
އަބުދުﷲ މުހައްމަދު | 8Abbo

| 7 ނޮވެންބަރު 2018 | ބުދަ 19:52 | |

މަގުބޫލް

  1. އިންތިހާބީ ނައިބު ރައީސަށް އަނިޔާވެ، އެޑްމިޓްކޮށްގެން ފަރުވާ ދީފި
  2. ދުވަހަކުވެސް ދެކިލައްވަން ބޭނުންފުޅުނުވި މަންޒަރު ވެރިކަމުގައި ހުންނަވަނިކޮށް ބައްލަވަން މަޖުބޫރުވީ
  3. ރައީސްގެ ރަސްމީ ގެކޮޅަށް ދައުލަތުން ދުވާލަކު ލައްކައަކަށް ވުރެ ގިނަ ރުފިޔާ!
  4. ނޮވެމްބަރު 19 ގައި ރައީސް ސޯލިހު އާއި ގާސިމްގެ ކުރިމަތިލުމެއް!
  5. ސިޔާސީ މަގާމުތައް 690 އަށް، ރައީސް އޮފީހުގައި 260 ސިޔާސީ މަގާމު
  6. އާ ރައީސްގެ ގެކޮޅުގެ ހަރަދުން ހަ މިލިއަން ކުޑަ ކުރަން ބަޖެޓްކޮށްފި
  7. ޖޫރިމަނާ ފާއިސާ އަނބުރާ ލިބިއްޖެ ނަމަ ހަދިޔާކުރާނީ ހާއްސަ އެހީއަށް ބޭނުންވާ ފަރާތްތަކަށް: ރާއްޖެޓީވީ
  8. ކައިވެނީގެ ހަފްލާގައި ދިޕިކާ ފެންކަޅިކޮށްލައިފި


މި ފަހަރުގެ އިންތިޚާބާ އެކު ސެނޭޓުގައި ރިޕަބްލިކަނުންނަށް ލިބިފައިވާ ގޮނޑީގެ އަދަދު 54 އަށް އަރާ -- ބީބީސީ

އެމެރިކާގެ މިޑްޓަރމް އިންތިޚާބުގައި ޑިމޮކްރެޓިކް ޕާޓީން ހައުސް އޮފް ރެޕްރެޒެންޓޭޓިވްސްގެ އަޣުލަބިއްޔަތު ހޯދާފައިވަނިކޮށް ސެނޭޓްގެ އަޣްލަބިއްޔަތު ރިޕަބްލިކަން ޕާޓީއަށް ލިބުމުން ރައީސް ޑޮނަލްޑް ޓްރަމްޕް އެއީ "ބޮޑު ކާމިޔާބީއެއް ކަމަށް" ވިދާޅުވެ އުފާ ފާޅުކުރައްވައިފިއެވެ.

ހައުސް އޮފް ރެޕްރެޒެންޓޭޓިވްސް ނުވަތަ ގާނޫނުހަދާ މަޖިލީހުގެ ތިރިގޭގައި ރައީސް ޓްރަމްޕްގެ ލެޖިސްލޭޓިވް އެެޖެންޑާ ހުއްޓުވޭ މިންވަރަށް ޑިމޮކްރޭޓުން ވަނީ އަޣުލަބިއްޔަތު ހޯދާފައެވެ.

މިއާ އެކު މެކްސިކޯ އާއި އެމެރިކާއާ ދެމެދު އަޅުއްވާނެ ކަމަށް ރައީސް ޓްރަމްޕް ވައުދުވެވަޑައިގެންފައިވާ ފާރުގެ މަސައްކަތް ކުރެއްވުމުގެ ފުރުސަތު ކުޑަވެގެންދާނެއެވެ.

ނަމަވެސް ސެނޭޓްގެ އަޣުލަބިއްޔަތު ރައީސް ޓްރަމްޕް ހޯއްދެވުމުން މައި މަގާމުތަކަށް މީހުން އައްޔަން ކުރުމުގައި އަދިވެސް ރިޕަބްލިކަނުންގެ ކޮންޓްރޯލް އޮންނާނެއެވެ.

މި އިންތިޚާބަށް ފަހު ސެނޭޓްގައި ރިޕަބްލިކަނުންގެ އަޣްލަބިއްޔަތު އޮތް މިންވަރަށް ވުރެ ވެސް އިތުރުވެގެންދާނެއެވެ.

ސެނޭޓްގައި 100 ގޮނޑި ހިމެނޭއިރު މީގެ ކުރިން 51 ގޮނޑި ރިޕަބްލިކަނުން ކޮންޓްރޯލް ކުރަމުންދިޔަ ނަމަވެސް މިފަހަރުގެ އިންތިޚާބާ އެެކު އެ އަދަދު 54 އަށް އަރައެެވެ.

އަށް އަހަރަށް ފަހު ތިރިގޭގެ އަޤުލަބިއްޔަތު ޑެމޮކްރޭޓުން ހޯދާފައިވާއިރު މިއީ ރައީސް ޑޮނަލްޑް ޓްރަމްޕް އަށް ކުރިމަތިވެ ވަޑައިގެންނެވި ބޮޑު ނާކާމިޔާބެކެވެ.

އަންގާރަ ދުވަހުގެ އިންތިޚާބު ފެނިގެން ގޮސްފައި ވަނީ މަގުބޫލުކަން ކުޑަވަމުންދާ ރައީސް ޓްރަމްޕްއާ މެދު ނެގޭ ފެންނަ ނުފެންނަ ވޯޓެއްގެ ގޮތުގައެވެ.

މިޑްޓަރމް އިންތިޚާބުގައި ހައުސް އޮފް ރެޕްރެޒެންޓޭޓިވްސްގެ 435 ގޮނޑިއާ ސެނޭޓްގެ 35 ގޮނޑި އަދި އެމެރިކާގެ 36 ސްޓޭޓާއި އެމެރިކާގެ ތިން ޓެރިޓަރީއަށް 39 ގަވަރުނަރުން އިންތިޚާބުކުރާނެއެވެ.

އެމެރިކާގެ ގާނޫނުހަދާ މަޖިލީހުގެ ދެ ގެ ކަމަށްވާ ސެނޭޓް އަދި ހައުސް އޮފް ރެޕްރެޒެންޓޭޓިވްސްގައި ވެސް މި ވަގުތު އަޣުލަބިއްޔަތު އޮތީ ރައީސް ޓްރަމްޕްގެ ރިޕަބްލިކަން ޕާޓީއަށެވެ.

 

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް