21 އޭޕުރިލް 2019 | އާދީއްތަ | 14 އައްސިދަ
14 ޝަޢުބާން 1440
ޢިޝާ 19:27
މަޣްރިބް 18:13
އަސްރު 15:20
މެންދުރު 12:09
އިރުއަރާ 05:57
ފަތިސް 04:44

ގާނޫނީ ވަކީލު ހުސައިން ޝަމީމް

ސުޕްރީމް ކޯޓަށް ހާޒިރުވުމަށް ޝަމީމަށް އަންގައިފި

  • މިހާތަނަށް ދެ ފަހަރެއްގެ މަތިން ސަސްޕެންޑް ކުރެވުނު
  • ފުރަތަމަ ސަސްޕެންޝަން އުވާލީ ދެއަހަރަށް ވުރެ ގިނަ ދުވަސް ފަހުން
  • ދެވަނަ ސަސްޕެންޝަން އުވާލީ ފަސް މަސް ފަހުން
އަޒުމޫން އަހުމަދު | azmoon_ahmed

| 12 ސެޕްޓެންބަރ 2018 | ބުދަ 23:07 | |

ގާނޫނީ ވަކީލު ހުސައިން ޝަމީމް -- ފޮޓޯ: މުހައްމަދު ޝަރުހާން

ސުޕްރީމް ކޯޓަށް ހާޒިރުވުމަށް، ކުރީގެ ޑެޕިއުޓީ ޕްރޮސެކިއުޓަރ ޖެނަރަލް ހުސައިން ޝަމީމަށް އެ ކޯޓުން އަންގައިފިއެވެ.

ސުޕްރީމް ކޯޓުން ބަލަމުންދާ މައްސަލައަކާ ގުޅިގެން ބުރާސްފަތި ދުވަހުގެ ހެނދުނު 11:00 އަށް އެ ކޯޓަށް ހާޒިރުވުމަށް އަމުރުކޮށް، ޝަމީމާއި ވަނީ ޗިޓު ހަވާލުކޮށްފައެވެ.

ޝަމީމަކީ މިފަހުގެ ތާރީޚެއްގައި އެންމެ ދިގު މުއްދަތަކަށް ސުޕްރީމް ކޯޓުން ސަސްޕެންޑް ކުރި ވަކީލެވެ. އެގޮތުން މިހާތަނަށް ދެ ފަހަރެއްގެ މަތިން އޭނާ ސަސްޕެންޑް ކޮށްފައިވާއިރު، އެންމެ ފުރަތަމަ ސަސްޕެންޑް ކުރީ 2015 ވަނަ އަހަރުގެ ނޮވެމްބަރުގައެވެ. އޭގެ ފަހުން ސަސްޕެންޝަން އުވާލައި ހުއްދަ ދިނީ ދެ އަހަރަށް ވުރެ ގިނަ ދުވަސް ފަހުން މިއަހަރުގެ ޖެނުއަރީގައެވެ.

އޭގެ ފަހުން މިއަހަރުގެ ފެބްރުއަރީ 22 ވަނަ ދުވަހު ވެސް އޭނާ ސަސްޕެންޑް ކުރިއިރު، އަނބުރާ ހުއްދަ ދިނީ ޖުލައި މަހުގައެވެ.

ޝަމީމް މަތީ ތައުލީމް ހާސިލް ކުރެއްވީ މިސްރުގެ އަލްއަޒްހަރު ޔުނިވަރސިޓީއިންނެވެ. މިހާރުގެ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީއަކީ ޝަމީމާއެކު ކިޔަވާ ވިދާޅުވާން އުޅުއްވި ބޭފުޅެކެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ޙުސައިން ޙަސަން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް